لعبة (انسان, جماد, حيوان, نبات)

[center]لعبة مشهورة جدا .... ياما لعبناها كتير انا وصحابي .... يا سلام عالحصص الفاضية في المدرسة .... لما المدرس ولا المدرسة يغيبو كده .... نضم البنشات جنب بعض ونعمل حفلة لعب بقي .... ويكون أحلي لعب ونستني غياب المدرسين بفارغ الصبر

من اشهر الالعاب بقي لعبتين عندنا .... لعبة الاقلام نقعد نلعب اقلام واللي يوقع قلم التاني من البنش يفوز .... والله كان ممكن يوصل العدد لعشرة بيلعبو

واللعبة التانية بقي اللي ان شاء الله هنلعبها النهاردة هي لعبة
انسان, جماد, حيوان, نبات, بلد

يا تري عارفنها ولا لا؟ أظن الكل يعرفها والموضوع ببساطة :

هنختار حرف من حروف اللغة العربية وليكن حرف (الألف) مثلا
ونجيب الآتي ويكونو بيبدأو بحرف الألف:

1- اسم ولد (أحمد)
2- اسم بنت (أميرة)
3- اسم حيوان (أسد)
4- اسم نبات (أرز)
5- اسم جماد (أستيكة)
6- اسم بلد (المانيا)

أظن مفيش اسهل من كدة بس ياريت بس نخلص كل الحروف الاول قبل ما نجيب حرف جه قبل كده

هختار أول حرف ان شاء الله حرف (ميم)

أتمني من الله أن تنال اعجابكم يارب